Saturday, March 22, 2008

بحلم بعالم في خيالي



بحلم بعالم في خيالي ، عالم هادي و مثالي
عالم مفيهوش غش و لا خداع .. عالم بالحب ينادي
عالم ميعرفش استسلام .. عالم قوي مقدام و شجاع
عالم خالي من الأوجاع و كل واحد فيه في حاله
عالم الحق فيه سايد .. و الظلم في الأنقاض بايت .. و الطفل مكفول حقه كمان زي الكبير و اللي فاهم
عالم فيه الخير ده كتير .. و الشر مسّلم و مسالم .. الناس ماشية في سلام و أمان و محدش فيهم عايش خايف
عالم فيه نظام في مرور و نظام في حياة الكون كله
عالم يوم ميشوف مريض الكل يساعده و ياخد بيده و يوم ميشوف محروم محتاج مش يستني يمد له يده
كل يتيم عارفله كافل و كل ضعيف عارفله سند و كل طير بريء نايم في عشه مش خايف من طير جارح
بحلم بعالم عايش بذوق ، و محدش فيه بيعرف يجرح و الأخلاق في الناس دي طبيعةزي الهوا اللي في صدورهم
عالم فيه حب الله و حب رسوله في كل قلب و الكلمة الحلوة في كل لسان و الابتسامة هي السايدة

بحلم و بحلم و هافضل أحلم لحد ماموت و هيفضل حلمي عايش في كل قلب عرفني في يوم و عرف حلمي الجميل

بحلم بعالم في خيالي عالم هادي .. و مثالي

1 comment:

Aya Sami said...

جميييييييله اوي يا توتي انتي عارفه مره كده ف قعده صفا مع نفساويتي قلت اقعد اتخيل نفسي اعيش في عالم ازاي قعدت تخيلت كل حاجه فيه ازاي حتي شكل البيوت و تخيلت اني فيه :d
دعيت ربنا انه يرزقنا بيه ف الجنه كلنا مع بعضينااااااااااااا بس طبعا برضه لازم نصلح ف الدنيا مش نحط ايدينا علي خدنا و نبكي علي حالنا و نسكت