Sunday, March 2, 2008

نفسي أقولها بحبك بكل لغات العالم


يا جماعة يمكن دي تكون أول مرة أكتب فيها كلام لحد بعينه

بس أنا لازم أقول لحبيبة قلبي اني بحبها و أقولها انتي نور عيوني و روح قلبي و نعمة كبيرة جدا ربنا أنعم عليا بيها و لو فضلت عمري كله أشكره علي انه خلاني أعرف حد زيها مش هيكفي

أعمل ايه ما أنا بحبها أوي
مين ممكن أصلا يعرفها و ميحبهاش ده أكيد هيكون حد فاقد الإحساس ، لو عنده ذرة واحدة و بيحب زي كل الناس كان رمي نفسه في أحضانها و قالها انتي أغلي من الماس
انسانة قلب طيب و عيون صافية و نفس هادية و عقل كامل مستحيل يا جماعة مرة تسيب حد منها شايل ماهي دايما شايلة همّ الكل ولغيرها عون و عائل
مين يا جماعة جرب يشوف قلب زي ده
من ربنا حباه بنعمة كبيرة زي دي
أنا باحمد و الله ربي و بأقول يا رب ديمها نعمة دي هي آيه و جمالها آيه و حبها أجمل آيات الدنيا
و بأقولها بكل لغات العالم بحبك يا آيه سامي

6 comments:

Aya Sami said...

طيب انا بجد مش عارفه ممكن أرد أقول ايه خالص مش عارفه و مش متخيله ان ده يبقي انا لا مش كده لا

Eng.Ebtehal said...

متقوليش أي حاجة يا حبيبتي
الكلام ده كله و الله يا آيه مش بيعبر عن اللي جوايا
ربنا يعلم ان اللي جوايا ليكي أكتر من كدة بمراحل

Y. El-Shaa'rawy said...

بجد يا ابتهال كل كلمه فعلا عندك حق فيها .. البنت ايه سامي دي عمري ماشفت زيها .. ومهما قلت او عملت عمري ماهاوفي جزء صغير من اللي عملته وبتعمله معايا

بجد ربنا يكرمك يا ايه .. ومش يحرمك مني ولا من شرشرتي عليكي يا حبي

Hajar said...

بما انى طبعا الكلام دة ليا فانا اشكرك كثيرا كثيرا يا بوبة :) بوبة كمان يا جماعة بجد اجمل ابتهال فى الدنيا البنت دة ارق انسانة ممكن تشوفها وانا بحبها اوى

Eng.Ebtehal said...

الله يعزّك يا هاجر و الله انتي اللي فعلا انسانة جميلة و رقيقة و انا بحبك جدا جدا جدا

Aya Sami said...

يا نهاااااااااار ايه يا عيال انا كده مش هاعرف اقول حاجه غير ان انتوا اغلي ناس عندي في الدنيا و يارب ما يحرمني منكم ، انا اللي فعلا مهما عملت مش ممكن الاقي زيكوا ابدااااااااااااااااااااااااااااا و مش ممكن أبعد عنكم ابداااااااااااااااا