Friday, March 7, 2008

الحيرة


لما تكون واقف في طريق مش عارف تمشي يمين و لا شمال
و لما يكون اللي حواليك و اللي انت واثق فيهم واحد بيشدك لليمين وواحد بياخدك للشمال
تفتكر هتروح وقتها فين؟؟
هتمشبي يمين و لا شمال
محتار مش كدة؟؟
هو فعلا شيء محير بس لازم قرار
هتاخد القرار ؟ ها .. وقفت ليه تاني؟
لسة مش عارف برده هتروح فين
طب ماتيجي نحسبها
لو مشيت يمين هتكسب ايه و ايه اللي هتكسبه لو مشيت شمال
مممممم قول كدة من الأول مش عارف تاخد قرار و لا مش عايز تاخد قرار
أنصحك بالفرار
حتي ده كمان مش عارف تعمله
يا خبر تصدق مشفتش اللجام
مكنتش أعرف يا صحبي انك حمار
مش هتعرف تروح يمين و لا شمال غير لما صحبك يشدك و ياخد القرار
طب ليه متتمردش و تجرب و لو لمرة انك متكنش حمار ؟؟!!
هتقولي صعب
آآآآآآآه عجبتك بأه عيشة الحمار
هتقولي لأ طب متوريني
مش قادر ليه؟؟
اللجام شديد قوي و صاحبي عفي قوي
يعني الموضوع مش بس حيرة ده انت اصلا ملكش حق القرار
يا عيني عليك يا صحبي هتعيش و تموت حمار

3 comments:

Aya Sami said...

بصي يا توتي انا شايفه ان اكيد الواحد لازم يكون في حدود معينه في حياته بس مش في كل حياه الشخص
يعني اكيد الواحد في قرارته يراعي اهله و اصدقائه اكيد دا مش في كل المواقف مواقف تانيه مثا حلمك في حياتك اكيد صعب جداااا تربطي نفسك بكل الناس لان ده حلمك انتي ملكك انتي صحيح لازم تاخدي رأي الناس بس بحدود و انتي تكملي حلمك
مش عارفه وصلت لك رأيي و لا لا :(

Eng.Ebtehal said...

wslny ya 7bebty
ana shayfa en f3ln elwa7ed lazem ykon f wa2t 7omar w f wa2t sa7eb el 7omar :D

إنجي بدران said...

جزاكي الله خيرا يا توتي موضوع جميل أوي ، ولكن ... ربنا سبحانه وتعالى بيقول"ولقد كرمنا الإنسان"
أنا عارفة إنك مستخدمة تشبيه الحمار
كرمز ولكن بني ادم مخلوقات مكرمة ما ينفعش اننا نرمز ليهم بحيوان